ધોરડોના સફેદરણમાં યોજાશે પતંગ મહોત્સવ, જાણો કેવી છે તૈયારી

  • vatannivat
  • 06-01-2023 04:55 AM

પતંગ મહોત્સવમાં દેશ વિદેશના પતંગબાજો અવનવી કલાના દર્શન કરાવશે

ભુજના ધોરડો ખાતેના સફેદરણમાં આગામી 13 જાન્યુઆરીના રોજ પતંગ મહોત્સવનું આયોજન નિયત થયેલું છે. આ પતંગ મહોત્સવમાં દેશ વિદેશના પતંગબાજો અવનવા આકારની રંગબેરંગી પતંગો આકાશમાં ઉડાડીને પોતાની કલાના દર્શન સર્વને કરાવશે. આ અનોખા પતંગોત્સવને નિહાળવા માટે સ્થાનિક સાથે બહારના લોકો મોટી સંખ્યામાં ઉમટી પડશે.


પતંગબાજો માટે આનુસંગિક વ્યવસ્થા ઉભી કરવા કલેકટર દ્વારા સુચન

પતંગ મહોત્સવ માટે તૈયારીની સમીક્ષા હેતુ ભુજ કલેકટર કચેરી ખાતે સમાંહર્તા દિલીપ રાણાના અધ્યક્ષસ્થાને સંબંધિત વિભાગના અધિકારીઓ સાથે ઉચ્ચ સમીક્ષા બેઠક યોજાઇ હતી. પતંગ મહોત્સવમાં 19 દેશના 132 પતંગબાજો ઉપસ્થિત રહેવાના છે ત્યારે તમામની આગતા-સ્વાગતા તેમજ પતંગ ઉત્સવ દરમિયાનની તમામ વ્યવસ્થા અંગે ચર્ચા બાદ જરૂરી સૂચનાઓ અપાય. કાર્યક્રમને અનુરૂપ પતંગબાજો માટેના સ્ટોલ, સ્ટેજ તેમજ આનુસંગિક અન્ય વ્યવસ્થા કરવા કલેકટર દ્વારા સુચના આપવામાં આવી હતી


આ મહોત્સવ કઈ બાબતો સુનિશ્ચિત કરાય

પતંગ મહોત્સવ કાર્યક્રમની રૂપરેખાની વિગતો મેળવવા સાથે સાંસ્કૃતિક કાર્યક્રમની પ્રસ્તૃતિ, પતંગબાજોનું સન્માન, ઉપરાંત ફાયર બ્રિગેડ, મોબાઇલ ટોયલેટની સુવિધા, પાર્કિંગ વ્યવસ્થા, મેડીકલ ટીમ, પોલીસ વ્યવસ્થા , ટ્રાફિક નિયમન તથા કોરોના સંબંધિત ગાઇડલાઇનનું પાલન થાય તે બાબત સુનિશ્ચિત કરવા ખાસ સુચના આપવામાં આવી હતી.